“Böyüməyə davam etməyimiz yaxşıdır”

“Napoli”nin baş məşqçisi Antonio Konte komandasının cari mövsümdəki uğurlu nəticələrindən danışıb.

Komanda.az DAZN-a istinadən xəbər verir ki, italiyalı çalışdırıcı komandaya qoşulduqdan sonra çox şeyin dəyişdiyini bildirib:

“Komandaya qoşulduqdan sonra çox şey dəyişdi, ancaq mən hələ də bu heyətə uyğun olan ən yaxşı taktikaları tapmağa çalışıram. Transfer pəncərəsi bağlanmazdan bir neçə gün əvvəl vacib oyunçulardan məhrum idik. Ona görə də 3-4-2-1 sxemi ilə oynamağı planlaşdırırdıq. Daha sonra bu komandaya Skott Maktominey və Romelu Lukakunun gəlişi böyük rol oynadı. Belə olan halda 4-3-3-lə oynadıq. Nəsə əldə etməmişdən əvvəl çox şey sınadıq. Böyüməyə davam etməyimiz yaxşıdır”.

İtaliya çempionatının turnir cədvəlinə hazırda “Napoli” başçılıq edir.