“Böyük Dəbilqə”: Azərbaycanın daha bir cüdoçusu “gümüş” qazandı

Tacikistanın paytaxtı Düşənbədə keçirilən “Böyük Dəbilqə” turnirinin son günündə Azərbaycanın daha bir cüdoçusu gümüş medal qazanıb.

Komanda.az xəbər verir ki, Camal Qamzatxanov (+100 kq) finalda tacikistanlı cüdoçu Temur Rakimova “ippon”la məğlub olub və gümüş medalla kifayətlənib.

Bürünc medal uğrunda mübarizə aparan Kənan Nəsibov (+100 kq) isə özbəkistanlı Utkirbek Turoboyevə uduzub.

Daha əvvəl Elcan Hacıyev (90 kq) və Balabəy Ağayev (60 kq) qızıl, Vüqar Talıbov (90 kq) isə gümüş medal qazanıb.