”Borussiya”nın yeni baş məşqçisi bəlli olub

“Borussiya”nın icraçı direktoru Lars Rikken komandaya yeni baş məşqçi kimi xorvatiyalı mütəxəssis Niko Kovaçın təyin olunduğunu açıqlayıb.

Komanda.az xarici KİV-ə istinadən xəbər verir ki, o, bunu deyib:

“Biz Niko Kovaçla prinsipial razılığa gəldik. O, komandaya bazar günündən başçılıq edəcək”.

Nuri Şahin yanvarın 21-də “Borussiya”nın baş məşqçisi postundan qovulub.

Niko Kovaçın son iş yeri “Volfsburq” olub. O, daha əvvəl “Monako”, “Bayern” və “Ayntraxt”a rəhbərlik edib. Kovaç “Ayntraxt”la Almaniya kubokunu, “Bayern”lə isə Almaniya Bundesliqasını, kubokunu və superkubokunu qazanıb.

“Borussiya” hazırda Almaniya çempionatında 26 xalla 11-ci yerdədir.