“Borussiya” onu satmaq fikrində deyil

Dortmund “Borussiya”sı müdafiəçisi Niko Şlotterbeki satmaq fikrində deyil.

Komanda.az xəbər verir ki, bu barədə “Bild” nəşri məlumat yayıb.

Klub rəhbərliyi 25 yaşlı futbolçunun cari müqaviləsinin müddəti bitənədək – 2027-ci ilə qədər komandada qalmasını istəyir. Hətta yeni sözləşmə imzalanmasa belə, “Borussiya” Şlotterbeki azad agent kimi buraxmağa hazırdır.

Almaniyalı futbolçu bu mövsüm Bundesliqa və UEFA Çempionlar Liqasında 6 oyunda iştirak edib.

Şlotterbekin daha əvvəl karyerasını “Bayern”də davam etdirmək istədiyi barədə xəbərlər yayılmışdı.