“Borussiya”nın müdafiəçisi zədələnib

Dortmund “Borussiya”sının müdafiəçisi Niko Şlotterbek UEFA Çempionlar Liqasının ümumi mərhələsinin 6-cı turunun “Barselona” ilə oyununda zədələnib.

Komanda.az xəbər verir ki, bu barədə Almaniya klubunun mətbuat xidməti məlumat yayıb:

“Şlotterbek “Barsa” ilə matçda bağlarını zədələyib. Onun ilin sonuna qədər oynaya biləcəyi hələ məlum deyil”.

Qarşılaşma Almaniyada keçirilib və “Borussiya”nın 2:3 hesablı məğlubiyyəti ilə yekunlaşıb.

25 yaşlı müdafiəçi Bundesliqanın cari mövsümündə 12 oyun keçirib və 2 məhsuldar ötürmə edib.