“Borussiya”dan kapitanı ilə yeni müqavilə

Almaniyanın “Borussiya” (Dortmund) klubu yarımmüdafiəçisi Marko Roysla müqavilənin müddətini uzadıb.

Komanda.az xəbər verir ki, bu barədə Bundesliqa təmsilçisinin rəsmi saytı məlumat yayıb.

33 yaşlı futbolçu ilə yeni müqavilə 2024-cü ilin yayına kimi nəzərdə tutulub.

Roys 2012-ci ildən “Borussiya”nın formasını geyinir. O, Dortmund təmsilçisinin heyətində 382 oyuna 161 qol vurub. Təcrübəli vinger Almaniya millisində də 48 oyunda 15 qola imza atıb.