“Borussiya” baş məşqçisi ilə vidalaşıb

Almaniya təmsilçisi (Dortmund) “Borussiya” baş məşqçisi Edin Terziçlə yollarını ayırıb.

Komanda.az klubun mətbuat xidmətinə istinadən xəbər verir ki, 41 yaşlı mütəxəssisin müqaviləsinə qarşılıqlı şəkildə xitam verilib.

Almaniyalı çalışdırıcı 2010-cu ildən “Borussiya”da müxtəlif vəzifələrdə çalışıb. O, 2022-ci ildə dortmundluların baş məşqçisi vəzifəsinə təyin olunub. Komanda onun rəhbərliyi altında 2023/24 mövsümündə UEFA Çempionlar Liqasının finalına yüksəlib.