Bonuççiyə görə son illərin ən güclü komandası İspaniya klubudur

“Yuventus”un və İtaliya millisinin sabiq müdafiəçisi Leonardo Bonuççi müasir futbolda hansı komandanı ən güclü hesab etdiyini açıqlayıb.

Komanda.az “Madrid Xtra”-ya istinadən xəbər verir ki, italiyalı keçmiş futbolçu 2014-cü ildən bəri 6 dəfə UEFA Çempionlar Liqasının qalibi olan “Real”ı xüsusi qeyd edib. 2017-ci ildə Bonuççinin çıxış etdiyi final matçında “kral klubu” “Yuventus”a (4:1) qalib gəlib:

“Real” son 15-20 ilin ən güclü futbol komandasıdır”.

Bonuççi futbolçu karyerasını yayda başa vurub. Doqquzqat İtaliya çempionunun son klubu Türkiyənin “Fənərbaxça” klubu olub.