“Bohemians”a 1 qol bəs etdi, Rizvanov…

Çexiyanın futbol üzrə gənclər liqasında əsas mərhələnin 6-cı turunun oyunları keçirilib.

Komanda.az xəbər verir ki, Azərbaycanın U-21 millisinin üzvü Arziman Rizvanovun formasını geyindiyi “Bohemians” da növbəti matçına çıxıb.

Sözügedən kollektiv doğma meydanda “Siqma” ilə üz-üzə gəlib. Futbolçumuzun komandası bu oyundan qələbə ilə ayrılıb – 1:0.

Rizvanov bu görüşün iştirakçısı olmayıb. O, sonadək ehtiyatda qalıb.

“Bohemians”ın U-21 komandası hazırda 12 xalla 10 komanda arasında 3-cü pillədə qərarlaşıb.