“Bizi çətin oyun gözləyir” – Kadi Borges

UEFA Avropa Liqasının qrup mərhələsinin 2-ci turunda keçiriləcək “Qarabağ” – “Nant” oyunundan öncə mətbuat konfransı baş tutub.

Komanda.az xəbər verir ki, “Qarabağ”ın braziliyalı futbolçusu Kadi Borges də mətbuat konfransında iştirak edib:

“Mən də şəhidlərin ailə üzvlərinə başsağlığı vermək istəyirəm. Bilirəm ölkə üçün nə qədər çətin günlərdir. Allah ailələrinə səbr versin. Onların yanında olub, bağrıma basıb, dəstək olmaq istəyərdim. Allah rəhmət eləsin.

Aydın məsələdir ki, bizi çətin oyun gözləyir. Rəqabətli oyun olacaq. Rəqibi yetərincə analiz etmişik. Ümif edirik ki, azarkeşlər də oyundan zövq alacaq. Əlimizdən gələni edəcəyik ki, qalib tərəf biz olaq.

“Nant” çətin rəqibdir. Bu gün bir daha analiz edəcəyik rəqibi. Onları çəkinmədən, heç nədən qorxmadan, üzərlərinə gedərək məğlub etməliyik”.

Mehri Qurban