“Biz oyanmalıyıq” – Xavi

“Barselona”nın baş məşqçisi Xavi komandasının İspaniya çempionatının 18-ci turunun “Almeriya” ilə oyunundakı (3:2) çıxışından danışıb.

Komanda.az AS nəşrinə istinadən xəbər verir ki, o, komandanın oyanmalı olduğunu və daha yaxşı çıxış etməli olduğunu söyləyib:

“Birinci hissə qəbuledilməz idi və mən bunu futbolçulara dedim. Təzyiq və aqressivlik qəbuledilməz idi. Bizdə 2010-cu ilin “Barselona”sı yoxdur. Ya hər şeyimizi verəcəyik, ya da heç nə qazanmayacağıq. Biz oyanmalıyıq.

İndi qəzəbli deyiləm. Komandamda futbol ruhunun olmamasından şikayət etdim. Mən oyunçulara qarşı daha tələbkar olmalıyam, eyni zamanda onları qorumalıyam”.

18 turdan sonra “Barselona” La Liqada 38 xalla üçüncüdür. Çempionata “Jirona” başçılıq edir (44 xal).