“Çempionlar Liqasına qayıtmaq istərdim” – “Latsio”nun futbolçusu

“Latsio”nun yarımmüdafiəçisi Matteo Genduzi Roma klubunun cari mövsüm üçün hədəfləri ilə bağlı sualı cavablandırıb.

Komanda.az “La Gazzetta dello Sport”-a istinadən xəbər verir ki, fransalı futbolçu Çempionlar Liqasına qayıtmaq istədiyini bildirib:

“Çempionlar Liqasına qayıtmaq istərdim və bunun üçün çempionatı ilk dördlükdə bitirməliyik. Təbii ki, bu, asan olmayacaq, çünki İtaliyada Çempionlar Liqasına vəsiqə qazanmağa qadir 7-8 komanda var, cədvəl çox sıxdır. Amma biz rəqabətədavamlı olduğumuzu göstəririk”.

“Latsio” 12 turdan sonra İtaliya çempionatının turnir cədvəlində 5-ci yerdədir, liderlə fərq cəmi bir xaldır. Romalılar növbəti turda “Bolonya”nı qəbul edəcək.