“Bu, əzab verir” – De Rossi

“Roma”nın baş məşqçisi Daniele De Rossi Avropa Liqasının yarımfinal mərhələsinin cavab oyununda “Bayer”lə heç-heçəni (2:2) şərh edib.

Komanda.az UEFA-nın mətbuat xidmətinə istinadən xəbər verir ki, o, oyunun çətin keçdiyini və fiziki baxımdan çox yorduğunu bildirib:

“Biz qəhrəmancasına oynadıq. Rəqiblər güclüdür. İlk hissədə Romadakı kimi, ilk 25 dəqiqəni uğurla keçirdik. Bir neçə vuruşumuz oldu. Rəqibi sınamaq üçün şanslar olur. Bu, bəzən nəticə verə bilər. Uşaqlar inanılmaz oyun nümayiş etdirdilər.

İki gün əvvəl “Yuventus”a qarşı bütün gücümüzü vermişdik. Bu gün daha çox fiziki və psixoloji baxımdan əziyyət çəkdik. “Bayer” yaxşı oynadı. Amma artıq qalib gələrək əsl möcüzəyə yaxınlaşmalısan və sonra gülünc bir avtoqol vurursan. Bu, əzab verir. Yaxşı, gəlin, eyni ruhda yenidən başlayaq”.

“Bayer” ümumi hesabda (4:2) qalib gələrək, “Atalanta” ilə qarşılaşacaqları Avropa Liqasının finalına yüksəlib.