Baş məşqçidən çox yükləndiyi deyilən Yamal haqda açıqlama

İspaniya millisinin baş məşqçisi Luis de la Fuente komandanın oyunçusu Lamin Yamal haqda danışıb.

Komanda.az xarici KİV-ə istinadən xəbər verir ki, o, gənc futbolçunun həddən artıq yüklənməsi ilə bağlı fikirlərə cavab verib:

“Biz meydançaya ən yaxşı oyunçuları qoyuruq, çünki bizim üzərimizə böyük məsuliyyət düşür. Ölkəmizi təmsil edirik. Futbolçunun hansı klubu təmsil etməsindən asılı olaraq oyun dəqiqələrinin bölüşdürülməsi ədalətsizlik olardı. Mən bunu etməyəcəm”.

17 yaşlı futbolçu ötən gün İspaniya millisinin Millətlər Liqasının ilk turunun Serbiya yığması ilə qarşılaşmasında (0:0) 90 dəqiqə çıxış edib.