“Biz Messini hər gün görürük, amma…” – Vidal

İspaniyanın “Barselona” klubunun yarımmüdafiəçisi Arturo Vidal La Liqanın 11-ci turunda “Valyadolid”ə 5:1 hesabı ilə qalib gəldikləri oyundan sonra açıqlama verib.

Komanda.az xəbər verir ki, “Movistar Plus”a danışan çilili futbolçu, komanda yoldaşı Lionel Messiylə bağlı da açıqlama verib:

“Qalib gəldiyimiz üçün çox xoşbəxtik, hazırda komandada vəziyyət yaxşıdır. Bu qələbələr bizə kömək edir, amma yenə də, oyunumuzu yaxşılaşdırmağa məcburuq.

Messi ilə bağlı deyəcək sözüm yoxdur. O, bütün şəxsi keyfiyyətləri ilə fərq yaratmağı bacaran futbolçudur. Lionel belə olanda, komanda da bunu hiss edir. Biz Messini hər gün görürük, amma o, hər gün bizi təəccübləndirməyi bacarır. O, sanki başqa planetdəndir”.