ÇL: “Biz “Real”la ilk dəfə qarşılaşan komandadan daha yetkin komandayıq”

“Mançester Siti”nin yarımmüdafiəçisi Rodri Çempionlar Liqasının 1/4 finalında “Real”la keçiriləcək oyun haqda danışıb.

Komanda.az AS nəşrinə istinadən xəbər verir ki, o, komandasının bu qarşılaşmada qələbə qazanacağına inanır:

“Biz keçmişdən dərs almışıq. Həm qələbələrdən, həm də məğlubiyyətlərdən. Biz “Real”la ilk dəfə qarşılaşan komandadan daha yetkin komandayıq. Onlar həmişə bu turnirdə favorit olurlar, xüsusən də, evdə oynayanda. Amma biz onları çox yaxşı tanıyırıq və nə edəcəyimizi bilirik. Pep Qvardiola Karlo Ançelotti kimi ən uğurlu məşqçilərdən biridir. Bu, iki qalibdir”.

Komandalar arasında ilk oyun bu gün Madriddəki “Santyaqo Bernabeu” stadionunda baş tutacaq. Cavab oyunu aprelin 17-də Mançesterdəki “Etihad” stadionunda keçiriləcək.