“Bu məsələdə realist olmalıyıq” – Mourinyo

İngiltərə Premyer Liqasının 37-ci turu çərçivəsində “Lester”lə qarşılaşacaq “Tottenhem”in baş məşqçisi Joze Mourinyo açıqlama verib.

Komanda.az “Sky Sports”a istinadən xəbər verir ki, portuqaliyalı mütəxəssis, London klubundakı işi barədə danışıb:

“İnsanlar mənə fərqli gözlərlə baxırlar. Onların başqalarından gözləmədikləri şeyləri mənim etməyimi istədiklərini bilirəm. Hətta bəzən qalib gəldiyimiz oyundan sonra verilən ilk sual meydana çıxmayan futbolçuyla bağlı olur. Bir futbolçu başqa məşqçiylə çalışanda heç bir problem olmur. Biz heyətimizlə bağlı təhlil aparırıq və müsbət işlər gördüyümüzü bilirik. Bunu “Portu”dakı təcrübəmlə də müqayisə edə bilərəm. Hazırda gördüyüm iş klubu növbəti mövsümə və turnirlərə hazırlamaq üçün təcrübə qazanmaqdır.

Turnir cədvəlindəki yerimiz təkcə bizimlə deyil, rəqibləri də təhlil etməklə bağlıdır. Bu məsələdə realist olmalıyıq”.