“Daha yaxşı çıxış edə bilərdik” – Klopp

“Liverpul”un baş məşqçisi Yurgen Klopp komandasının İngiltərə Premyer Liqasının 31-ci turunda “Şeffild Yunayted”lə oyunda (3:1) qazandığı qələbədən danışıb.

Komanda.az BBC-yə istinadən xəbər verir ki, o, matçın komanda üçün çətin keçdiyini bildirib:

“Bu matçda yaxşı oyun göstərdik, lakin bir çox məqamlarda futbol arzuolunan şəkildə irəliləmir. Mac Allisterin qolu oyunun gedişatını dəyişdi, üçüncü qol da gözəl oldu. Bu gün “Şeffild Yunayted” yaxşı çıxış etdi. Matç zamanı bizim üçün həqiqətən çətin idi və düşünürəm ki, biz daha yaxşı çıxış edə bilərdik, baxmayaraq ki, sonda qalib gəldik”.

Qələbədən sonra “Liverpul” Premyer Liqada 30 oyundan sonra 70 xalla turnir cədvəlinə başçılıq edir. “Şeffild Yunayted” sonuncu yerdədir (15).