“Biz bu dekabrı əbədi xatırlayacağıq” – Argentina prezidenti

Argentina millisi DÇ-2022-nin finalında Fransanı məğlub edərək, dünya çempionu olub.

Komanda.az xəbər verir ki, bununla əlaqədar olaraq, paytaxt Buenos-Ayresdə qələbə paradı keçirilib. Argentina prezidenti Alberto Fernandes qələbə paradından sonra sosial şəbəkə hesabında paylaşım edib. O, bunları yazıb:

“Dünya kubokunu qazandıqdan sonra xalqımızın Argentina millisini qarşılamasından məmnunam. Biz bu dekabrı əbədi xatırlayacağıq. Hər kəs bizə verdiyi inanılmaz sevinc üçün komandamıza təşəkkür edir. Prezident kimi mən də buna qoşuluram”.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.