Millinin baş məşqçisi “Real”ın müdafiəçisini təriflədi

İspaniya millisinin baş məşqçisi Luis de la Fuente “Real”ın müdafiəçisi Raul Asensionun son oyunlarını dəyərləndirib.

Komanda.az xarici KİV-ə istinadən xəbər verir ki, o, ispaniyalı futbolçunu izlədiklərini söyləyib:

“Asensio? Biz onu izləyirik. Amma ona vaxt vermək də vacibdir. Biz tələsik hərəkət edib hadisələrin qabağına çıxmaq istəmirik. Onun uğurlu çıxışı “Real”, İspaniya futbolu və özü üçün yaxşı xəbərdir”.

21 yaşlı müdafiəçi “Real”dakı çoxsaylı zədələr səbəbindən “Kastilya”dan “kral klubu”nun əsas komandasına keçib. Madrid klubu ilə 3 oyun keçirən oyunçu çıxışına görə təriflər alıb.