“Biz AÇ-2024-ün qalibi olmağa qadirik” – Ronaldo

Portuqaliya millisinin və Səudiyyə Ərəbistanı “Əl-Nəsr”inin hücumçusu Kriştiano Ronaldo qarşıdan gələn AÇ-2024 öncəsi yığma komandasının gücünü dəyərləndirib.

Komanda.az xarici KİV-ə istinadən xəbər verir ki, 38 yaşlı forvard çempionatda qalib gələcəklərinə inandığını bildirib:

“Mənim üçün turnirdə qələbəyə iddialı olmaq yarışın favoriti olmaqla eyni şeyi ifadə edir. Nəzərə almaq lazımdır ki, biz bəlkə də, AÇ-2016-da favorit deyildik. Amma bu turniri qazandıq. Biz AÇ-2024-ün də qalibi olmağa qadirik. 

İndi Portuqaliya millisinə başqa cür baxırlar. Biz Avropa çempionatını qazanacağımıza inanırıq”.

AÇ-2024-ün qrup mərhələsində Portuqaliya millisi Türkiyə, Çexiya və pley-off mərhələsi vasitəsilə turnirə vəsiqə qazanan digər komanda ilə qarşılaşacaq. Avropa çempionatı iyunun 14-dən iyulun 14-dək Almaniyada keçiriləcək.