“Biz 16-cı titulu qazanmaq istəyirik” – “Real”ın prezidenti

“Real”ın rəhbəri Florentino Peres Çempionlar Liqasının növbəti mövsümü haqda danışıb.

Komanda.az xarici KİV-ə istinadən xəbər verir ki, klub prezidenti 16-cı titulu almaq istədiklərini bildirib:

“Real” artıq növbəti turnirdə qalib gəlməyi hədəfləyir. Biz 16-cı titulu qazanmaq istəyirik”.

İyunun 1-də “Real” 15-ci dəfə Çempionlar Liqasının qalibi olub. Londonda keçirilən final matçında Madrid təmsilçisi Dortmund “Borussiya”sı ilə qarşılaşıb. Karlo Ançelottinin yetirmələri 2:0 hesabı ilə qalib gəlib.