“Bizə yaxşı futbol lazımdır” – “Barselona”nın yeni baş məşqçisi

Hans-Diter Flik “Barselona”ya baş məşqçi təyin olunduqdan sonra mətbuata açıqlama verib.

Komanda.az AS-a istinadən xəbər verir ki, alman mütəxəssis azarkeşləri xoşbəxt etmək üçün əlindən gələni edəcəyini bildirib:

“Komanda və mən əlimizdən gələni edəcəyik ki, azarkeşlərimiz xoşbəxt olsunlar və yaxın gələcəkdə bir çox titulları qeyd edə bilsinlər. Bu, mənim məqsədimdir. Bizə yaxşı futbol lazımdır, mən bunu edəcəm”.

Flik mayın 29-da “Barselona”nın baş məşqçisi vəzifəsinə keçib. Tərəflər arasında 2026-cı ilin iyun ayının sonuna qədər olan müqavilə bağlanıb. O, baş məşqçi postunda Xavini əvəz edib.