“Neftçi”dən ayrılan futbolçu Yunanıstan klubunda

Bir neçə gün əvvəl “Neftçi” ilə yollarını ayıran Xorxe Korreanın yeni klubu məlum olub.

Komanda.az xəbər verir ki, 28 yaşlı yarımmüdafiəçi Yunanıstan “Volos”una keçib. Bu barədə klubun mətbuat xidməti məlumat yayıb. Korrea ilə 1,5 illik müqavilə imzalanıb.

2021-ci ilin sentyabrından 2022-ci ilin yanvarına qədər “Neftçi”də çıxış edən Korrea “ağ-qaralar”da cəmi 2 oyuna çıxıb.