Vitse-prezidentdən Elmar Məmmədyarovun İcraiyyə Komitəsindəki işinə qiymət

Bir neçə ay əvvəl Azərbaycanın xarici işlər naziri postundan uzaqlaşdırılan Elmar Məmmədyarov AFFA-dakı işini davam etdirir.

AFFA İcraiyyə Komitəsinin üzvü olan keçmiş nazir İK-nin sonuncu iclasında da iştirak edib. Bu barədə AFFA-nın vitse-prezidenti Vaqif Sadıqov Komanda.az-a açıqlamasında deyib. Sadıqov, Məmmədyarovun İcraiyyə Komitəsinin bütün iclaslarına qatıldığını və müzakirə olunan məsələlərdə aktiv iştirak etdiyini bildirib.

Elmar Məmmədyarov 2016-cı ildən AFFA İcraiyyə Komitəsinin üzvüdür.

Onun ana dilində yaxşı danışa bilməməsi, futbola dəxli olmasa da, Azərbaycan futbolu ilə bağlı qərarların verildiyi İcraiyyə Komitəsində olması birmənalı qarşılanmır.