Bir nəfərdə koronavirus aşkarlandı – Premyer Liqada

Futbol üzrə İngiltərə Premyer Liqasında mübarizə aparan klubların kollektivindən növbəti dəfə koronavirus testi götürülüb.

Komanda.az xəbər verir ki, bu barədə Premyer Liqanın rəsmi saytı məlumat yayıb.

Məlumatda, 20 klubda 17-21 iyun aralığında bütovlükdə 1829 nəfərin testdən keçdiyi bildirilib. Testlər nəticəsində bir nəfərdə koronavirus aşkarlanıb. Virusa yoluxan şəxsin adı və klubu məlum deyil. Onun 7 gün karantində qalacağı bildirilib.

Koronavirusa görə martdan dayandırılan İngiltərə Premyer Liqası iyunun 17-dən bərpa olunub.