“Bir mövsümdə 70 oyun keçirməyə hazıram” – braziliyalı futbolçu

“Arsenal”ın hücumçusu Qabriel Jezus bir mövsümdə 70-ə qədər oyun keçirməyə hazır olduğunu açıqlayıb.

Komanda.az xarici KİV-ə istinadən xəbər verir ki, braziliyalı hücumçu, çox enerjili olduğunu deyib:

“Mən oyunlardan sonra yaxşılaşıram. Daha yaxşı yeyin, daha yaxşı yatın və “Arsenal” forması ilə həyatdan həzz alın. Ona görə də, bir mövsümdə 50, 60, 70 oyun keçirməyə hazıram.

Düşünürəm ki, çox enerjili oyunçuyam. Mən hər zaman qaçıram və döyüşürəm. Amma Saka və Martinelli ilə hər gün məşq edəndə anlayıram ki, onlara yaxın düşə bilmirəm. Sadəcə dayanmırlar. Onlar əsl maşınlardır. Keyfiyyətli oyunçulardır və hələ də gəncdirlər – onların hər birinin cəmi 21 yaşı var”.

Bizi Telegramda izləyin