Bıçaqlanan futbolçu əməliyyat olundu

İngiltərə “Arsenal”ına məxsus olan, icarə əsasında İtaliya “Montsa”sında forma geyinən müdafiəçi Pablo Mari bıçaq yarasından sonra əməliyyat olunub.

Komanda.az xəbər verir ki, bu barədə İtaliya klubunun rəsmi saytı məlumat yayıb.

Bu gün səhər Milan şəhərində Pablo Marinin kürəyinin zədələnmiş iki əzələsini bərpa etmək üçün əməliyyat keçirilib. Əməliyyat uğurlu keçib və futbolçunun iki-üç gün xəstəxanada qalacağı gözlənilir.

Xəstəxanadan buraxıldıqdan sonra futbolçu reabilitasiya prosesinə başlaya biləcək.

Mari Milanın ətrafında yerləşən ticarət mərkəzinin yaxınlığında bir şəxs tərəfindən bıçaqlanıb. Futbolçudan başqa, daha 5 nəfər yaralanıb. Polis hücum edən şəxsi həbs edib.

Bizi Telegramda izləyin