“Napoli”ni dayandıra biləcək qüvvəni görmürəm”

“Napoli”nin keçmiş baş məşqçisi Ottavio Bianki komandanın cari mövsümdəki çıxışını şərh edib.

Komanda.az “calcionapoli1926.it”-ə istinadən xəbər verir ki, o, Neapol təmsilçisini qüsursuz adlandırıb:

“Bu, şans və təsadüf deyil. Onlar hər cəhətdən qüsursuzdur. Futbolda gözlənilməz hadisələrin olduğunu bilsəm də, “Napoli”ni dayandıra biləcək qüvvəni görmürəm”.

“Napoli” 15 turdan sonra İtaliya A Seriyasının turnir cədvəlinə 41 xalla başçılıq edir. 16-cı turda neapollular “İnter”lə qarşılaşacaq.