Reytinq: “Qarabağ” 57 pillə irəlilədi

Beynəlxalq Futbol Tarixi və Statistikaları Federasiyası (İFFHS) 2019-cu il üzrə dünyanın ən güclü klublarının reytinq siyahısını hazırlayıb.

Komanda.az xəbər verir ki, Azərbaycan Premyer Liqasının hazırkı lideri “Qarabağ” 144 xalla 400 komanda arasında 80-cidir. “Köhlən atlar” 2018-ci ildə 137-ci sırada idi.

“Neftçi” isə reytinq siyahısında 90 xalla “Real Sosyedad”, “Deportivo Kukuta”, “Daequ” və “Hayduk” klubları ilə 217-221-ci yerləri bölüşür. “Ağ-qaralar” 2018-ci ildə 459-cu idi.

2019-ci ilin ən güclü klubu isə “Liverpul”dur. Mersisayd təmsilçisinin aktivində 316 xal var.