“Beyl bir çox klublar üçün maddi baxımdan əlçatmazdır”

İngiltərənin “Tottenhem” klubuna transfer olunacağı deyilən “Real”ın futbolçusu Qaret Beylin meneceri Conatan Barnett açıqlama verib.

Komanda.az İngiltərə mətbuatına istinadən xəbər verir ki, menecer, uelsli futbolçunun vəziyyəti ilə bağlı bunları deyib:

“Hazırda transfer məsələsi gündəmdə deyil. Beyl “Real”da çox xoşbəxtdir. Eyni zamanda, qəbul etməliyik ki, Beyl bir çox klublar üçün maddi baxımdan əlçatmazdır. “Məvacibi aşağı sal, başqa kluba gedib, orda oyna” demək asandır. Amma bu, təkcə məvaciblə bağlı deyil. Bu, onun Madriddəki həyat tərzi və ailəsi ilə bağlıdır”.

2013-cü ildən “Real”ın şərəfini qoruyan 30 yaşlı futbolçu, cari mövsümdə iştirak etdiyi 15 oyunda 3 qol, 2 məhsuldar ötürmə ilə yadda qalıb.