250-ci oyununu keçirdi, forma hədiyyə edildi

“Real” İspaniya La Liqasının 28-ci turunda “Eybar”ı məğlub edib.

Komanda.az xəbər verir ki, 3:1 hesabıyla bitən görüş Madrid təmsilçisinin futbolçusu Qaret Beyl üçün əlamətdar olub. Bu barədə klubun rəsmi saytı məlumat yayıb. “Eybar”la matç uelsli hücumçu üçün “Real”dakı 250-ci oyun olub.

2013-cü ildən “Real”da çıxış edən Beyl, bu oyunlarda 105 qol vurub və 68 məhsuldar ötürmə edib.

“Eybar”la oyundan sonra “Real”ın prezidenti Florentino Peres Beylə 250 nömrəli forma hədiyyə edib.