“Beşiktaş” Bayi ilə vidalaşıb

Türkiyənin “Beşiktaş” klubunda ayrılıq gerçəkləşib.

Komanda.az klubun mətbuat xidmətinə istinadən xəbər verir ki, İstanbul təmsilçisi komandanın müdafiəçisi Erik Bayi ilə yollarını ayırıb.

Fil Dişi Sahili millisinin üzvü ilə müqaviləyə qarşılıqlı razılıq əsasında xitam verilib.

Bayi 2023-cü ildən Türkiyə klubunda çıxış edir. O, 2016-2022-ci illərdə “Mançester Yunayted”də forma geyinib.