“Beşiktaş” “Mançester Yunayted”in sabiq çalışdırıcısı ilə danışıqlara başlayıb

“Beşiktaş” “Mançester Yunayted”in keçmiş baş məşqçisi Ole Qunnar Sulşerlə danışıqlara başladığını açıqlayıb.

Komanda.az xarici KİV-ə istinadən xəbər verir ki, “qartallar” açıqlamasında Sulşerlə onun komandaya baş məşqçi təyin olunması ilə bağlı müzakirələrə girdiklərini bildirib:

“Biz Sulşerlə onun komandaya baş məşqçi təyin olunması ilə bağlı müzakirələrə girdik”.

Daha əvvəl mətbuatda skandinaviyalı mütəxəssisin türklərlə 2026-cı ilə qədər olan müqavilə bağlaya biləcəyi barədə məlumat yayılmışdı. Norveçli çalışdırıcı 2021-ci ilin payızından işsizdir. Onun son klubu “Mançester Yunayted” olub.

“Beşiktaş” Super Liqanın 18 turundan sonra turnir cədvəlinin 6-cı pilləsində qərarlaşıb.