“Beşiktaş” “Arsenal”ın futbolçusu ilə maraqlanır

“Arsenal” klubunun yarımmüdafiəçisi Jorjinyo başqa kluba keçə bilər.

Komanda.az xarici KİV-ə istinadən xəbər verir ki, 32 yaşlı futbolçuya Türkiyənin “Beşiktaş” klubu maraq göstərir.

İtalyan futbolçunun gələn ilin yayında azad agentə çevrilməsi mümkündür. Çünki onun “topçular”la müqaviləsi iyun ayının sonunda başa çatacaq. Hələlik London klubunun onu saxlamağı planlaşdırıb-planlaşdırmadığı məlum deyil.

Jorjinyo bu mövsüm Mikel Artetanın komandasında 7 oyuna çıxıb. Onun “transfermarkt”də dəyəri 12 milyon avro göstərilir.