“Beşiktaş” 1/4 finala penaltilərlə vəsiqə qazandı

Futbol üzrə Türkiyə kubokunda 1/8 final mərhələsinə yekun vurulub.

Komanda.az xəbər verir ki, sonuncu oyun günündə iki qarşılaşma baş tutub.

Əvvəlcə “Alanyaspor” doğma meydanda “Adana Dəmirspor”la qarşılaşıb. Əsas və əlavə vaxtı heç-heçə bitən matçın qalibini müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən Alanya təmsilçisi 1/4 finala yüksəlib.

Ötən mövsümün qalibi “Beşiktaş” isə bu mərhələdə “Göztəpə” ilə üzləşib. Bu matçın əsas və əlavə vaxtında ümumiyyətlə qapılara qol vurulmayıb. Penalti seriyasında isə İstanbul təmsilçisi şanslı olub və növbəti mərhələyə vəsiqə qazanıb.

Xatırladaq ki, daha önəc “Qaziantep”, “Fatih Karagümrük”, “Kayserispor”, “Sivasspor”, “Antalyaspor” və “Trabzonspor” da 1/4 finala vəsiqə qazanmışdı.

Türkiyə kuboku, 1/8 final

8 fevral

Kasımpaşa – Qaziantep 1:2
Qol: Oanes, 31 – Fiqeyredo, 42. Maksim, 81.

Fatih Karagümrük – Konyaspor 5:4
Qol: L.Mərcan, 7. A.Musa, 28. Borini, 67; 80-pen. E.Mor, 101 – Koka, 11; 21-pün. Amilton, 60. M.Çağıran, 87.

Fənərbaxça – Kayserispor 0:1
Qol: R.Çivelek, 90+4.

9 fevral

Bandırmaspor – Sivasspor 2:4
Qol: L.Ayçiçek, 34. Landel, 54 – Qradel, 2; 45+3; 89. Appyadanqoye, 79.

Hatayspor – Antalyaspor 0:2
Qol: Nado, 83. Rayt, 87.

Dənizlispor – Trabzonspor 1:2
Qol: M.Cecenoğlu, 58 – H.Türkmən, 8. Kouassi, 77.

10 fevral

Alanyaspor – Adana Dəmirspor 1:1 (penaltilər 4:2)
Qol: Eduardo, 22 – E.Öztümer, 38.

Beşiktaş – Göztəpə 0:0 (penaltilər 3:1)