Berdıyev: “Qurban Qurbanov kimi güclü məşqçinin çox az zəif nöqtəsi olur”

“Turan Tovuz”un baş məşqçisi Kurban Berdıyev Azərbaycan Premyer Liqasının 20-ci turu çərçivəsində “Qarabağ”a qarşı keçirdikləri oyun haqda danışıb.

Komanda.az xəbər verir ki, o, 2:1 hesablı qələbəni belə şərh edib:

“Uşaqlara təşəkkür edirəm ki, ağır ev məğlubiyyətindən sonra bu cür mübarizə apardılar. Uduzduqları anda belə, göstərdilər ki, hər şey dəyişə bilər. Çox şükür ki, belə imkan bizim əlimizə düşdü və qələbə çaldıq. Futbolçuların hər biri ilə fərdi söhbət aparıldı və bu oyuna digər oyuna yanaşdıqları kimi yanaşmamalı olduqları söyləndi. Futbolçularım məni dinlədi. “Kəpəz”lə keçirdiyimiz son oyun ən pis oyunumuz idi. Yanaşma fərqli idi və biz yanaşmanın üzərində işlədik. Biz istər müdafiədə, istərsə də hücumda standartlar üzərində işləyirik. Təəssüf ki, keçən oyunda biz bu standartlara ciddi yanaşmadıq.

Qurban Qurbanov kimi güclü məşqçinin çox az zəif nöqtəsi olur. Belə oyunlarda Allah bizə yardım edir. “Qarabağ” Azərbaycan futbolunun flaqmanı, Qurban Qurbanov isə ən güclü məşqçisidir”.

Nəzrin Kazımlı