Benzema Raula çatdı

“Real” UEFA Çempionlar Liqasının 1/4 finalının ilk qarşılaşmasında “Çelsi”ni məğlub edib (2:0).

Komanda.az xarici KİV-ə istinadən xəbər verir ki, bu qarşılaşma “kral klubu”nun hücumçusu Kərim Benzema üçün əlamətdar olub. O, “Real”ın heyətində UEFA Çempionlar Liqasında 130-cu oyununa çıxıb.

36 yaşlı forvard bu göstərici ilə Madrid təmsilçisinin sabiq üzvü Raul Qonsalesə çatıb.

Fransalı futbolçu hazırda yalnız paytaxt klubunun keçmiş qapıçısı İker Kasilyasdan geri qalır. İspaniyalı qolkiperin aktivində 150 ÇL oyunu var.

“Çelsi” – “Real” cütünün cavab qarşılaşması İngiltərədə keçiriləcək.