Benzema haqqında yayılan xəbərləri təkzib etdi

“Əl-İttihad”ın hücumçusu Kərim Benzema karyerasını bitirə biləcəyi ilə bağlı yayılan xəbərləri təkzib edib.

Komanda.az xarici KİV-ə istinadən xəbər verir ki, fransalı forvard bunun sadəcə cəfəngiyyat olduğunu bildirib:

“Karyeramın mümkün sonu ilə bağlı şayiələr doğru deyil. Bu, sadəcə cəfəngiyyatdır. Özümü əla hiss edirəm və daha uzun illər oynamağa hazıram”.

37 yaşlı Benzema bu mövsüm Səudiyyə Ərəbistanı çempionatında 10 oyun keçirib, 10 qol vurub və 3 məhsuldar ötürmə edib. Onun “Əl-İttihad”la müqaviləsi 30 iyun 2026-cı ilə qədərdir.