Benzema bunu da bacardı

“Real” İspaniya La Liqasının 29-cu turunda “Hueska”nı 3:2 hesabıyla məğlub edib.

Komanda.az xəbər verir ki, sözügedən qarşılaşmada Madrid təmsilçisinə qələbə qazandıran qolun müəllifi olan Kərim Benzema, yeni uğura imza atıb. Belə ki, fransız forvad La Liqada qarşılaşdığı bütün komandalara qol vurub. O, buna “Hueska” ilə matçda nail olub. 89-cü dəqiqədə rəqib qapısına yol tapan Benzema, La Liqada 141-ci qolunu vurub.

2009-cu ildən “Real”da forma geyinən Benzema, bu mövsüm La Liqada 14 qola imza atıb. Onun “kral klubu” ilə 2021-ci ilin yayına kimi müqaviləsi var.