Benites Braziliya komandasına rəhbərlik edə bilər

İspaniyalı mütəxəssis Rafael Benites Braziliya çempionatında işləyə bilər.

Komanda.az xarici KİV-ə istinadən xəbər verir ki, “Botafoqo” rəhbərliyi onu dəvət etməkdə maraqlıdır. Benites klubun üç namizəddən ibarət qısa siyahısındadır və təklifi nəzərdən keçirməyə hazırdır.

Benites “Real”, “Liverpul”, “Çelsi” və digər klublardakı fəaliyyəti ilə tanınır. Mütəxəssis 2024-cü ilin martında son klubu “Selta”nı tərk etdikdən sonra işsizdir.