“Benfika”nın müdafiəçisi Almaniya klubuna keçir

“Bayer” (Leverkuzen) “Benfika”nın müdafiəçisi Alexandro Qrimaldonu transfer etməyə yaxındır.

Komanda.az xarici KİV-ə istinadən xəbər verir ki, Almaniya klubu keçidi rəsmiləşdirmək üçün bütün sənədləri hazırlayıb. 27 yaşlı futbolçu qarşıdakı saatlarda tibbi müayinədən keçəcək.

Qrimaldo 2016-cı ilin yanvarından “Benfika”da forma geyinir. Cari mövsümdə o, Portuqaliya təmsilçisinin heyətində bütün turnirlər daxil olmaqla 52 oyuna çıxıb, 7 qol vurub və 15 məhsuldar ötürmə edib.

Alexandronun hazırkı klubu ilə müqaviləsi 2023-cü ilin iyun ayının sonuna qədər qüvvədədir. O, Bundesliqa təmsilçisinə azad agent kimi keçəcək.