“Real” Kavaniylə danışıqlara başladı

Mövsümün sonunda PSJ-dən ayrılan Edinson Kavani karyerasını İspaniyada davam etdirməyə yaxındır.

Komanda.az İtaliya mətbuatına istinadən xəbər verir ki, “Real” 33 yaşlı futbolçunun xidmətində maraqlıdır. “Kral klubu” uruqvaylı futbolçuya qısamüddətli müqavilə təklif edib. Tərəflər arasında ilkin danışıqların başladığı bildirilir.

Kavani “Benfika”ya keçməyə yaxın olsa da, son anda tərəflər maliyyə məsələsində razılığa gələ bilməyib.