![](https://komanda.az/wp-content/uploads/2023/03/Ben-Arfa.jpg)
PSJ məhkəmədə uduzdu
Fransa millisinin keçmiş futbolçusu Hatem Ben Arfa məhkəmədə PSJ-yə qalib gəlib.
Komanda.az xarici KİV-ə istinadən xəbər verir ki, o, Liqa 1 klubu tərəfindən “mənəvi təqib”ə məruz qaldığı üçün məhkəməyə müraciət edib. Nəticədə, qalib gəlib və 100 min avro təzminat alacaq.
Ben Arfa 2016-2018-ci illərdə PSJ-də forma geyinib. Paytaxt təmsilçisinin heyətindən ədalətsizliklə uzaqlaşdırıldığını iddia edən futbolçu, daha sonra klubdan müqavilənin şərtlərinə əməl etmədikləri üçün 7-8 milyon avro təzminat tələb edib.
Ben Arfa PSJ-nin heyətində bütün turnirlər daxil olmaqla 32 oyuna çıxıb, 4 qol vurub və 7 məhsuldar ötürmə edib.
Bizi Telegramda izləyin
Bizi Facebook-da izləyin