“Belə məğlubiyyətə layiq deyildik”

“Vest Hem”in baş məşqçisi Xulen Lopeteqi Liqa kubokunun 1/16 finalında “Liverpul”a böyükhesablı məğlubiyyətdən (1:5) danışıb.

Komanda.az klubun mətbuat xidmətinə istinadən xəbər verir ki, ispaniyalı çalışdırıcı oyunçularının ən yaxşı matçlardan birini oynadıqlarını bildirib:

“Oyunçularım ən yaxşı matçlardan birini oynadılar, amma hesaba baxaraq bunu deyə bilməzsən. Çoxlu şanslarımız oldu, belə məğlubiyyətə layiq deyildik. Hücumda çoxlu imkanlarımız oldu, amma alınmadı. Bu uğursuzluqdan sonra diqqətimizi digər turnirlərə yönəltməliyik”.

“Vest Hem” növbəti oyununu sentyabrın 28-də İngiltərə çempionatının 6-cı turunda “Brentford”a qarşı keçirəcək.