“Belə bir arenada oynamaq xəyaldır” – Mbappe

“Real”ın yeni hücumçusu Kilian Mbappe “Santyaqo Bernabeu”da debüt matçından sonra hisslərini bölüşüb.

Komanda.az “kral klubu”nun mətbuat xidmətinə istinadən xəbər verir ki, fransalı forvard bu stadionda debüt matçını oynadığı üçün şad olduğunu bildirib:

“Möhtəşəm bir an. Bu stadionda debüt matçımı oynadığım üçün şadam. Qalib gəldik, əla axşam oldu. Tribunalardan inanılmaz dəstək hiss etdim. Bu an üçün hər kəsə təşəkkür edirəm. Belə bir arenada oynamaq xəyaldır”.

“Real” La Liqanın 2-ci turunda “Valyadolid”i 3:0 hesabı ilə məğlub edib.

PSJ-dən ayrılan Mbappe bu yay azad agent kimi “Real”a keçib.