“Bellingem “Real”da inanılmaz nüfuza malikdir”

“Real”ın müdafiəçisi Antonio Rudiger yarımmüdafiəçi Çud Bellingemin komandadakı nüfuzundan danışıb.

Komanda.az AS-a istinadən xəbər verir ki, almaniyalı futbolçu Bellingemin eqoist olmadığını bildirib:

“Bellingem “Real”da inanılmaz nüfuza malikdir. Onunla danışanda  özünü yaxşı hiss edirsən. O, eqoist deyil. Bellingem özünün irəliləməsinə kömək edən və komandaya fayda verən işlər görür. Onun haqqında ən çox bəyəndiyim cəhət budur”.

20 yaşlı futbolçu bu yay Madrid klubuna Dortmund “Borussiya”sından keçib. O, hazırda 12 qolla La Liqanın bombardiridir.