“Azarkeşlərlə görüşmək üçün səbirsizlənirəm” – Yeni transfer

Dortmund “Borussiya”sının yeni transferi Cob Bellingem Almaniya klubuna keçidi haqda danışıb.

Komanda.az “arılar”ın rəsmi saytına istinadən xəbər verir ki, ingiltərəli futbolçu bunun inanılmaz bir duyğu olduğunu bildirib:

“Bu, inanılmaz bir duyğudur. Böyük şərəfdir, çünki bir çox futbolçunun arzusudur burada olmaq və artıq bir neçə həftədir ki, mənim də arzum idi. Burada olmaqdan çox məmnunam.

Ən çox Klublararası dünya çempionatını səbirsizliklə gözləyirəm. Bu, şübhəsiz ki, möhtəşəm turnir olacaq. Bu, ilk dəfədir, ona görə də xüsusi həyəcanlıyam. Tarixi bir hadisə olacaq.

Həmçinin, bu stadionda Bundesliqadakı ilk oyunum üçün çox həyəcanlıyam. Cənub tribunası və azarkeşlərlə görüşmək üçün səbirsizlənirəm, gözləyə bilmirəm. Hazırda fikrimdə olan yeganə şey budur”.

“Real”ın futbolçusu Çud Bellingemin qardaşı olan Cob Bellingem “Borussiya”ya İngiltərənin “Sanderlend” klubundan transfer olunub.