Sabiq futbolçu saxlanılıb: Qaçaqmalçılıqda şübhəli bilinir

Belçika yığmasının sabiq futbolçusu Raca Nainqqolan narkotik qaçaqmalçılığında şübhəli bilinərək saxlanılıb.

Komanda.az “Gazet van Antwerpen”-ə istinadən xəbər verir ki, belçikalı keçmiş yarımmüdafiəçi Cənubi Amerikadan Antverpen limanı vasitəsilə kokain qaçaqmalçılığında şübhəli bilinir.

Onun saxlanıldığı Belçika polisi tərəfindən təsdiqlənib. Polisdən verilən açıqlamada araşdırmaların Cənubi Amerikadan Antverpen limanı vasitəsilə Avropaya kokain idxalı və onun Belçikada yenidən paylanması ilə bağlı ehtimal olunan faktları əhatə etdiyi üçün 36 yaşlı sabiq futbolçunun tutulduğu bildirilib. Hazırda dinləmələrin davam etdiyi və təqsirsizlik prezumpsiyası prinsipinə uyğun olaraq, bu mərhələdə heç bir şərh verilməyəcəyi də əlavə olunub.

Nainqqolan 2021-ci ildə “İnter”in heyətində İtaliya çempionu olub. O, həmçinin İtaliyanın “Roma”, “Kalyari”, SPAL klublarında da forma geyinib. Onun son klubu Belçika təmsilçisi “Lokeren-Temse” olub.