“Belçika millisi 2018-ci ildəki kimi güclü deyil”

Belçika millisinin lideri Kevin De Bruyne UEFA Millətlər Liqasının qrup mərhələsində Fransa yığmasına uduzduqları (0:2) oyundan sonra jurnalistlərə açıqlama verib.

Komanda.az ESPN-ə istinadən xəbər verir ki, belçikalı futbolçu millinin hazırda 2018-ci ildəki kimi güclü olmadığını bildirib:

“Komandada səy göstərdiyimiz bir standart var, amma indi biz buna uyğun nəticə üçün kifayət qədər yaxşı deyilik. Əlimizdən gələni etməliyik. Bu baş verməsə, deməli, hər şey bitdi. Hazırda Belçika millisi 2018-ci ildəki kimi güclü deyil. Ancaq nəyin səhv olduğunu ətraflı deməyəcəm”.

İki turdan sonra üç xalı olan Belçika millisi 2-ci qrupda 3-cü yerdədir.